საქართველოში მარიამობის დღესასწაულამდე მზიანი ამინდი შენარჩუნდება და ტემპერატურა მოიმატებს. 24-27 აგვისტოს დასავლეთ საქართველოში, მათ შორის შავი ზღვის სანაპირო რაიონებში, თბილი და უმეტესად უნალექო ამინდია მოსალოდნელი, ხოლო აღმოსავლეთ საქართველოს მთიან რაიონებში, შესაძლოა, ხანმოკლე წვიმა.

ჰაერის ტემპერატურა დასავლეთ საქართველოში +30, +35, აღმოსავლეთ საქართველოში +28, +33, შავი ზღვის სანაპირო რაიონებში კი +29, +31 გრადუსის ფარგლებში შენარჩუნდება.

თბილისში ამ პერიოდში შეიძლება ხანმოკლე წვიმა ელჭექით. ჰაერის ტემპერატურა +30, +32 გრადუსი იქნება.