ბათუმში ავტოსაგზაო შემთხვევა მოხდა. თამარ მეფის გამზირზე ერთმანეთს ორი ტრაილერი შეეჯახა. დაშავდა ორი პირი. ბათუმის სასწრაფო სამედიცინო დახმარების ცენტრის ინფორმაციით, მოქალაქეები რესპუბლიკურ საავადმყოფოში გადაიყვანეს. პაციენტებს სხეულის მსუბუქი დაზიანებები აღენიშნებათ.

საავტომობილო გზაზე მოძრაობა შეფერხებულია. გზაზე სამშენებლო მასალა ყრია, რომელიც ავარიის დროს ტრაილერიდან გადმოცვივდა.