ბათუმის მეთევზეთა ნავმისადგომზე 5 თვეა გემი ALICAN KARTAL-ი დგას. ეკიპაჟის წევრები კი, უკვე 8 თვეა კუთვნილ ანაზღაურებას ითხოვს. ქართული დროშის ქვეშ მცურავი გემის მფლობელი თურქეთის მოქალაქეა, რომელიც ამ დრომდე დავალიანებას არ იხდის.

ეკიპაჟის წევრები ამბობენ, რომ მათ მიმართ გემის მფლობელის დავალიანებამ 32 ათას ლარს მიაღწია. ისინი დახმარებას ითხოვენ და ამბობენ, რომ სიტუაციის შესახებ ინფორმირებული არიან საზღვაო ტრასპორტის ადმინისტრაცია და საზღაო პროფკავშირი.

ეკიპაჟის წევრების თქმით, გემი ტექნიკურად გაუმართავია და არც საწვავი აქვთ. მათ ფოთიდან ბათუმში სამშენებლო მასალა უნდა გადაეტანათ.

ეკიპაჟის წევრებს შორის ოთხი საქართველოს, სამი ინდოეთის, ერთი ირანის და ერთი უკრაინის მოქალაქეა.