კრწანისის საოლქო საარჩევნო კომისიის თავმჯდომარემ, დავით ფეტვიაშვილმა გადადგომის თაობაზე ცენტრალური საარჩევნო კომისიის თავმჯდომარეს, თამარ ჟვანიას მიმართა. როგორც ცესკოს პრესსპიკერმა ანა მიქელაძემ განუცხადა, ცესკოს თავმჯდომარეს ფეტვიაშვილის მოთხოვნა ჯერჯერობით არ დაუკმაყოფილებია. 

ფეტვიაშვილის განცხადებას კომისია უახლოეს დღეებში განიხილავს და გადაწყვეტილება მოგვიანებით გახდება ცნობილი. 

გაერთიანებამ „ძალა ერთობაშიამ" დღეს ვიდეომასალა გაავრცელა, რომლის თანახმად, „ქართული ოცნების" საარჩევნო შტაბი საარჩევნო ადმინისტრაციებს აკომპლექტებს. ლევან ბეჟაშვილის განცხადებით, ჩანაწერებში ჩანს, რომ კრწანისის საოლქო საარჩევნო კომისიის თავმჯდომარე პირდაპირ კონტაქტზეა „ქართული ოცნების“ საარჩევნო შტაბის კრწანისის კომისიის კურატორთან.