ქართველი კალათბურთელის, ზაზა ფაჩულიას და მისი მეუღლის სახელით მათმა ყოფილმა ბუღალტერმა რენდი დი უსოუმ 800 ათასი დოლარი მიითვისა. 62 წლის ქალბატონს ბრალი ორი მუხლით წარედგინა - სახელმწიფო ქონების მითვისება და პირადი ინფორმაციის მოპარვა. პირველი სასჯელი 10 წლით თავისუფლების აღკვეთასა და 250 ათასი დოლარის ჯარიმას, მეორე კი 2 წლით თავისუფლების აღკვეთას ითვალისწინებს.

62 წლის უსოუმ აღიარა დანაშაული, საპროცესო გარიგების თანახმად 3 წლის ვადით პატიმრობა მიუსაჯეს და 618.45 დოლარის გადახდა დაეკისრა. მან ზაზა 2004 წელს გაიცნო, ხოლო თანხა 2011-2015 წლებში მიითვისა თაღლითურად. ფაჩულიამ და მისმა მეუღლემ ამის შესახებ არაფერი არ იცოდნენ, რამეთუ საბუთებში რეალური შემოსავალი 164 ათასი დოლარი იყო მითითებული, დანარჩენს კი რენდი თავის ანგარიშზე რიცხავდა.