ავტორიზაციის საბჭომ დავალიანების გადახდის მიუხედავად, შავი ზღვის უნივერსიტეტს სტუდენტების ახალი ნაკადის მიღების უფლება არ მისცა. საბჭოს ამ რადიკალური პოზიციის გამო, უნივერსიტეტში ამბობენ, რომ 3 მილიონამდე ლარი იზარალეს და სასწავლებლის მომავალს საფრთხე შეექმნა.

სხდომის ოქმი უნივერსიტეტის ადმინისტრაციას, ამ დრომდე არ ჩაბარებია. ოქმს ელოდებიან უნივერსიტეტშიც. დოკუმენტის მიღების შემდეგ, სასწავლებლის იურისტები გადაწყვეტენ, მიმართონ სააპელაციო საბჭოს თუ სასამართლოს ძალით გააგრძელონ დავა. დღეს კი, უნივერსიტეტმა საქართველოს პარლამენტის დეპუტატებსა და ევროპარლამენტს მიმართა.