სომხეთმა რუსეთის ზოგიერთი რეგიონიდან ღორისა და ქათმის ხორცის შეტანა აფრიკული ჭირისა და ქათმის გრიპის თავიდან აცილების მიზნით შეაჩერა. ქვეყნის სოფლის მეურნეობის სამინისტროს საკვები პროდუქტების უვნებლობის სამსახურში აცხადებენ, რომ ქვეყანაში აკრძალეს რუსეთიდან ყველა სახის ცოცხალი ფრინველის, ფრინველის ხორცის, ნედლეულის, ბუმბულის, საინკუბაციო კვერცხისა და სხვა პროდუქტების შეტანა.

„გადაწყვეტილება მიღებულია ცხოველთა დაცვის მსოფლიო ორგანიზაციის ვებ-გვერდზე გამოქვეყნებული ინფორმაციის გამო, რომლის თანახმადაც, რუსეთის ტერიტორიაზე დაფიქსირდა აფრიკული ჭირისა და ფრინველის გრიპის შემთხვევები“, - ნათქვამია სომხეთის აღნიშნული უწყების განცხადებაში.

ჯერჯერობით უცნობია, ამ მხრივ რას აპირებენ საქართველოში.