პირველ კლასში, გაკვეთილის დაწყებიდან 15 წუთის შემდეგ მასწავლებელი ვალდებული იქნება ბავშვები ფიზიკური აქტივობით დატვირთოს. ამის შესახებ საქართველოს განათლების, მეცნიერების, კულტურის და სპორტის სამინისტროს ზოგადი განათლების მართვისა და განვითარებას დეპარტამენტის უფროსმა, მარიამ ჩიქობავამ განაცხადა.

გარდა ამისა, ახალი სასწავლო წლიდან ცვლილებები შეეხება გაკვეთილების ხანგრძლივობას, შეფასებების სისტემას და უცხო ენების შერჩევას. მეხუთე კლასამდე ნიშნები უქმდება, ხოლო პირველ და მეორე კლასში გაკვეთილების ხანგრძლივობა მცირდება.