ტელეკომპანია “იბერია” წამყვანმა გიორგი გასვიანმა დატოვა, ხოლო გადაცემა “ფაბრიკა”-ს ახალი სეზონიდან რეზი ჭიჭინაძე გაუძღვება, რომელიც ამ არხზე 2004 წელს, ტელევიზიის იძულებით დახურვამდე საინფორმაციო გამოშვების წამყვანი იყო. რაც ეხება გიორგი გასვიანს, ამ ეტაპზე უცნობია თუ რა გახდა ტელევიზიიდან მისი წასვლის მიზეზი. 

2017 წელს ტელევიზიიდან ჟურნალისტი მაკა რაზმაძე გაათავისუფლეს, რომლის გადაცემა “პრიორიტეტიც” მეტად რეიტინგული იყო ტელემაყურებლებში. გიორგი გასვიანი ამ გადაცემის წამყვანიც იყო, მოგვიანებით მან “ფაბრიკა”-ში გადაინაცვლა და ლალი მოროშკინა შეცვალა, რომელმაც ასევე დატოვა ტელევიზია.