კინორეჟისორი გიორგი შენგელაია საპრეზიდენტო არჩევნებში მონაწილოებას გეგმავს. საინიციატივო ჯგუფმა ცესკო-ში მისი კანდიდატურა უკვე წარადგინა და ხელმოწერების შეგროვებას იწყებს.
"რეზონანსი": როდის მიიღეთ ეს გადაწყვეტილება და რა იყო მთავარი მოტივი, კენჭი იყაროთ პრეზიდენტის თაამდებობაზე.
გიორგი შენგელაია: თქვენთან საუბრის მომენტში საინიციატივო ჯგუფს უკვე შეაქვს ჩემი კანდიდატურა დასარეგისტრირებლად და ხელმოწერების შეგროვებას იწყებს. ამ გა-დაწყვტილებას კი დიდი ხანია ვატარებ. გახსოვთ, რომ ორჯერ მივიღე მონაწილეობა სა-პარლამენტო არჩევნებში, ერთხელ ზვიად გამსახურდიას დროს, შემდეგ ედუარდ შევარ-დნაძის პრეზიდენტობის დროს, მაგრამ ორჯერვე დავმარცხდი. ჩემი სტუდენტები იყვნე-ნენ დამკვირვებლები საარჩევნო უბუნებზე და მეუბნებოდნენ, რომ მთელი ინტელიგენცია მიჭერდა მხარს. შევადნაძე მხარს რომ არ დამიჭერდა, ვიცოდი, რადგან მე მას ვაკრი-ტიკებდი. ბიძინა ივანიშვილს ფსონი აქვს დადებული დამოუკიდებელ კანდიდატზე და მეც გადავწყვიტე დამოუკიდებელ კანდიდატად ვიყარო კენჭი.
"რ": რატომ ფიქრობთ, რომ ბიძინა ივანივშილი დაგიჭერთ მხარს? თანაც იმ კრიტიკული განცხადებების შემდეგ, რაც მისი მისამართით მედიით გააჟღერეთ?
გ.შ: ეს მედია ფიქრობს, რომ ძალიან კრიტიკული ვიყავი, თორემ მე ბიძინასთან ძალი-ან კარგი ურთიერთობა მაქვს. მას ვაფასებ რადაგან ქვეყანას სააკაშვილი მოაშორა. ჩემი კრიტიკის შემდეგ, ბიძინა ივანიშვილმა თავად დამირეკა და მითხრა, - გიორგი, შენ ყველაფერში მართალი იყავიო. სიმართლე კი იცით, რომ მთებს იღებს; თანაც ჩემს ინტონაციაში ზიზღი არასდროს არ არის და ჩემი პოზიცია ყველასთვის ცნობილია "მოყ-ვარეს პირში უძრახე, მტერს პირს უკანო". მე მაშინ ტელევიზიით სააკაშვილიც გავაკ-რიტიკე და მუსოლინის შევადარე.
"რ": ბიძინა ივანიშვილთან თუ გქონდათ საუბარი, კენჭს რომ იყრიდით საპრეზიდენტო არჩევნებში?
გ.შ: ბიძინა ივანიშვილთან ამ ეტაპზე შეხვედრა არ მქონია და მითუმეტეს საუბარი ამ თემაზე. არ ვაპირებ ჩამოვეკიდო ბიძინა ივანიშვილს. ხალხი ჩემს ფილმებს უყურებს და აფასებს, მე ჩემი პოზიციით მივდივარ ჩემს ხალხთან.
"რ": ვინ მიგაჩნიათ მთავარ კონკურენტად?
გ.შ: საარჩევნო კამპანია არ დამიწყია, თუმცა უახლოეს მომავალში დავიწყებ და არა ისე, იმ ავანტურისტებმა რომ დაიწყეს, ჰგონიათ, რომ მარტო სოფელ-სოფელ ივლიან, სათქმელი კი არაფერი აქვთ. არ მაინტერესებს, ვინ იქნება ჩემი კონკურენტი, მე ხალხთან ჩემი პოზიციით მივალ და ხალხი თავად გადაწყვეტს კონკურენტებიდან ვინ არის ღირსეული და ვის დაუჭერს მხარს.