(რეზონანსი) აშშ-ში, სან ხოსეში მცხოვრები ქართველები გუშინ სტადიონზე გურამ კაშიას მხარდამჭერი ბანერებით მივიდნენ.

ფოტომასალა სან-ხოსეში მცხოვრებმა გიგა ქართველმა დღეს გაავრცელა.

„სან-ხოსეს საშინაო თამაშზე ვიყავით, სპეციალური ბანერით. იქნებ როგორმე გადავწონოთ ეს შეურაცხმყოფელი აურა. ძალიან გაუხარდა კაშოს და დიდი მადლობა გადაგვიხადა", - აცხადებს გიგა ქართველი „პირველ არხთან".

გურამ კაშიასა და ვაკო ყაზაიშვილის „სან-ხოსემ" გუშინ, საკუთარ მოედანზე, „დალასი" 4-3 დაამარცხა და ოთხიდან ორი გოლი ვაკოს ანგარიშზეა.

სტადიონზე იმყოფებოდა ასევე ცნობილი ქართველი მუსიკოსი ზაზა კორინთელი (ზუმბა), რომელიც ამჟამად ასევე ამერიკის შეერთებულ შტატებში ცხოვრობს.