(რეზონანსი) რუსეთში, ნიჟნი ნოვგოროდის ოლქის ქალაქ ძერჟინსკიში თავდაცვის მრეწველობის ქარხანაში აფეთქება მოხდა.

წინასწარი მონაცემებით, დაღუპულია სამი და დაშავებულია სამი ადამიანი. კიდევ სამი ადამიანის ბედი კი ჯერჯერობით უცნობია, სავარაუდოდ, ისინი ნანგრევების ქვეშ მოყვნენ.

აფეთქების შედეგად გაჩენილ ხანძარს მესამე დონის სირთულე მიენიჭა, ადგილზე მეხანძრეები მუშაობენ. ცეცხლი 100 კვადრატული მეტრის ფართობზეა გავრცელებული.

წინასწარი მონაცემებით, აფეთქების მიზეზი სამუშაოების შესრულების დროს უსაფრთხოების წესების დარღვევა გახდა.