(რეზონანსი) ცნობილმა ამერიკულმა ლიტერატურულმა ჟურნალმა, Words Without Borders-მასექტემბრის თვის მთელი ნომერი ქართულ ლიტერატურას მიუძღვნა. გამოცემამ გადაწყვეტილება ფრანკფურტის წიგნის ბაზრობაზე საქართველოს საპატიო სტუმრის სტატუსის გამო მიიღო.

ლიტერატურულმა ჟურნალმა ახალ ნომერში ექვსი თანამედროვე ქართველი ავტორი წარადგინა.

ესენი არიან: გელა ჩარკვიანი, ნაირა გელაშვილი, თეონა დოლენჯაშვილი, ლელა სამნიაშვილი, ბექა ქურხული და ირაკლი კაკაბაძე.

ქართველი ავტორების ნაწარმოებების პუბლიკაციების ფრაგმენტები გამოცემამ საგანგებოდ თარგმნა. თარგმანებს თან მწერლების ხმოვანი ჩანაწერებიც ახლავს.