უგანდაში, ალბერტის ტბის სანაპიროს იესკა კაბიირა 5 წლის შვილთან ერთად, ჭურჭლით წყალს აგროვებდა, რა დროსაც დედა-შვილს თავს ნიანგი დაესხა. ქალი ტბასთან ახლოს, კაგადის დასახლებაში ცხოვრობდა. ადგილობრივები ამბობენ, რომ როცა ნიანგი შენიშნეს, დედა-შვილის გადარჩენა სცადეს, მაგრამ უშედეგოდ. ქალის ქმარი ამბობს, რომ ჯერჯერობით ვერ იპოვეს მისი ცოლ-შვილის სხეულები. 

ეს ბოლო დროს ადამიანებზე ნიანგების თავდასხმის პირველი შემთხვევა არაა. ივნისში ეთიოპიაში პროტესტანტი პასტორი ნიანგმა ნათლობის დროს მოკლა. მომხდარიდან რამდენიმე დღის შემდეგ, აშშ-ში, ფლორიდის შტატში, როტარის ნაციონალურ პარკში, ტბასთან 47 წლის შიძუკა მაცუკი ძაღლებს ასეირნებდა, როცა მას თავს 4-მეტრიანი ნიანგი დაესხა. ქალი ნიანგმა შეჭამა. აგვისტოს ბოლოს სამხრეთ კალიფორნიაში 45 წლის ქალს ნიანგი დაესხა თავს და მოკლა.