ბოლნისის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და არასრულწლოვანი შვილის მიმართ განხორციელებულ ე.წ. ძალადობაში ბრალდებული ა.ა. დამნაშავედ სცნო. 2018 წლის 21 ივნისს, მარნეულის რაიონის სოფელ ყიზილაჯლოში ა.ა.-მ არასრულწლოვან შვილს სახის არეში ორჯერ დაარტყა ხელი, შემდეგ კი შემთხვევის ადგილიდან მიიმალა. 

"სამართალდამცველებმა ა.ა. 2018 წლის 23 ივნისს მარნეულში დააკავეს. ბოლნისის რაიონულმა სასამართლომ ა.ა. დამნაშავედ ცნო წარდგენილ ბრალდებაში და სასჯელის სახედ და ზომად 1 წლით თავისუფლების აღკვეთა განუსაზღვრა", - ნათქვამია გავრცელებულ ინფორმაციაში.