დადასტურებული ინფორმაციით, ბათუმში, წერეთლის ქუჩაზე, 50 წლამდე ქალს შვილმა, 19 წლის ახალგაზრდამ ჭრილობა ყელის არეში დანით მიაყენა. შემთხვევა ცოტა ხნის წინ მოხდა. მეზობლების თქმით, დედა-შვილი ხშირად ჩხუბობდა. როგორც სასწრაფო დახმარების ცენტრში განაცხადეს, ჭრილობა საკმაოდ სერიოზულია, დაჭრილი რეფერალურ საავადმყოფოშია გადაყვანილი.

შსს-ს განცხადებით, საქმე აღიძრა 11 პრიმა 117 მუხლით,  რაც გულისხმობს ოჯახური ძალადობის ნიადაგზე ჩადენილ ჯანმრთელობის განზრახ მძიმე დაზიანებას. აღნიშნული მუხლი 4-იდან 7 წლამდე თავისუფლების აღკვეთას ითვალისწინებს. სავარაუდო დამნაშავე დაკავებულია.