პარლამენტის ყოფილმა თავმჯდომარემ, დავით უსუფაშვილმა, თავისი ყოფილი გუნდის წევრებზე ისაუბრა, ასევე ყოფილ პრემიერ ივანიშვილზე:
"მახსოვს ბიძინა ივანიშვილის დამოკიდებულება პატივცემულ ივანე ჩხარტიშვილისადმი და ნათქვამი, ეს რა კაცია, კარებს რომ ჩაუკეტავ, ფანჯრიდან შემოდისო. მახსოვს ამაზე ჩემი პასუხიც, ადექით და ფანჯარაც ჩაკეტეთ-მეთქი. ახლა ფსიქოანალიზს ვერ დავიწყებ, ალბათ ამის დროც მოვა. თვითონ ამბობს, რომ ამის სპეციალისტია და საკუთარ თავს შეხედოს. ფაქტია, რაღაცები დაემართა.
ჩემი დიაგნოზი ასეთია: დემოკრატიული სახელმწიფოებრიობა, კანონის უზენაესობაზე დაფუძნებული ქვეყანა და მმართველობა, როგორც ჩანს, მას ვარდისფერ ფერებში წარმოედგინა, რომ ყველაფერს მარტივად დაალაგებდა: ერთი პარტია, ორი, სამი… თქვენ აქ, თქვენ – იქ და ახლა ყველა თავისუფალი ხართ, ოღონდ უნდა მოიქცეთ ისე, როგორც მე მგონია სწორი და კარგიო… მერე დაინახა, რომ თუ თავისუფლებას მისცემ ადამიანებს, ისინი ამით ისარგებლებენ" - განაცხადა უსუსფაშვილმა ,,პალიტრანიუსის” ეთერში.