(რეზონანსი) საგარეჯოს მუნიციპალიტეტის სოფელ ლამბალოში მეთერთმეტე კლასელი გოგონა მოიტაცეს. შემთხვევა გუშინ მოხდა.

გავრცელებული ინფორმაციით, არასრულწლოვანი სახლიდან, 12 წლის დის თანდასწრებით მოიტაცეს. ასევე გავრცელებული ცნობით, გატაცებაში 2 პირი მონაწილეობდა.

არასრულწლოვანის ოჯახი თვითმხილველებზე დაყრდნობით აცხადებს, რომ მოზარდი მათი ნაცნობის ავტომობილით გაიტაცეს. ხოლო ვინ არის პირი, ვინც 17 წლის გოგო სავარაუდოდ, ცოლად შერთვის მიზნით მოიტაცა, მათთვის უცნობია.

შსს-მ გამოძიება სსკ-ს 143-ე მუხლით დაიწყო, რაც თავისუფლების უკანონო აღკვეთას გულისხმობს.