(რეზონანსი) შინაგან საქმეთა სამინისტროს ინფორმაციით, ზურაბ ჯაფარიძე პოლიციის თანამშომლებს ნებაყოფლობით გაჰყვა. როგორც შს სამინისტროში ამბობენ, გამომდინარე იქიდან, რომ ზურაბ ჯაფარიძე პრეზიდენტობის კანდიდატია, მას პოლიციამ ნებაყოფლობით გაყოლა შესთავაზა, რაზეც ჯაფარიძემ თანხმობა განაცხადა.

შსს-ში აცხადებენ, რომ „დედაენის ბაღიდან" პოლიციამ 11 პირი გადაიყვანა. აქედან სამი ადმინისტრაციულ სამართალდარღვევათა წესით გადაიყვანეს, ხოლო დანარჩენი რვა სისხლის სამართლის კოდექსის 273-ე პრიმა მუხლის მე-2 და მე-8 ნაწილებით, რაზეც შსს-ს გამოძიება უკვე დაწყებული აქვს.