ცნობილი იმერული იუმორი კარგად სჩანს კუთხურ დიალექტშიც. "ქუთაისი პოსტმა" ის იმერულ სიტყვები შეკრიბა, რომლებიც შესაძლოა ჯერ არ გსმენიათ, მაგრამ აუცილებლად გაგახალისებთ.

1. ამოიდუგა, ამოითაქა - როცა ვინმეს განადგურებას უსურვებენ.

2. ატრუებული - შარზე მყოფი ადამიანი.

3. ამაწიკიე - ამაწევიე.

4. აბოჭე - აკრიფე.

5. უყლუწუნებს - სვამს.

6. ბონძღი - სასაცილო.

7. ბურჭალობს - ეძებს.

8. გაპიპინებული - პირთამდე სავსე.

9. გამობლუწუნებული - მთვრალი.

10. გადაიგლიჯინა - გადაირბინა.

11. გადუდღნული - გაჭუჭყიანებული.

12. გამოვსისტიკინდი - ბევრი ვჭამე.

13. გაითხლიშა - ბევრი დალია.

14. გადასკვინტილებული - ხელფეხ გადაჯვარედინებული.

15. გააცუცურაკა - მოატყუა.

16. გაბღენძილი - მედიდური.

17. გადაცხინკილება - დაცემინება/ლუკმის გადაცდენა.

18. გადავიხლიწინე - ჩქარა გადავირბინე.

19. გასკვანჩული - შეკრული/გაკრული.

20. გამოსკვანჩული - საგულდაგულოდ გაპრანჭული. 

21. გაიძუძგა, მოძუძგე - გაიპარა, აბა გამასწარი.

22. გავისესე - დავნაყრდი.

23. გამოიშვინტილებს - გამოიფხიზლებს.

24. დაკვინტრიშებს - დახტის.

25. დაკუნტული - წელში მოხრილი.

26. დაფსხლიკული - დაბალი, პატარა.

27. დაიყანთრება - აქეთ იქეთ დადის.

28. დაუქიქინა - ნიავმა დაუბერა.

29. დავეძნეყვე - დავეცი.

30. დაბაჩუნობს - რბილად დადის.

31. დაპიწკინებული - კარგად შემწვარი.

32. დაკვარკვალიტებული - დაგრეხილი.

33. დაფოთიალობს - ეძებს.

34. დაიჯღვარკება - უშნოდ დადის.

35. დაიპარჭყება, დაიკვანწება - ზედმეტად გაპრანჭულად დადის.

36. დაგჟვერავ - გცემ.

37. დაიღვრიჭინა - დაიბანა.

38. თაქი - ჩხუბი.

39. ზმურტლიანი - ბინძური, ჭუჭყიანი.

40. მოკვარახჭინება - საქმის მოგვარება.

41. თხლეშა - ძლიერი წვიმა.

42. კვახი - გოგრა.

43. ლაქი-ლუქა - ტყუილებით, ამაოდ მოლაპარე.

44. მოყირჭებული - ყელში ამოსული.

45. რავა - როგორ.

46. სირისტიანი - ნესტიანი, ან და ხშირად მოავადე ადამიანი.

47. ქენქერა - დაბნეული.

48. კინკილა - ერთი ცალი, ერთი, მარტოსული.

49. პელენწუკა - უგემოვნო ადამიანი.

50. ჩეიკუნცხე - ჩაიცუცქე.

51. დაქექილი - მოხერხებული ადამიანი.

52. წიწკვი - გამხდარი.

53. უტიე - აცადე, გზა უთმე.

54. საცხა - სადღაც.

55. რაცხა - რაღაც.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე