(რეზონანსი) ძიუდოს ფედერაციის ახალ პრეზიდენტად გიორგი ათაბეგაშვილი აირჩიეს. დღევანდელ ყრილობას 41 დელეგატი ესწრებოდა და ათაბეგაშვილს მხარი 40-მა ერთის წინააღმდეგ დაუჭირა.

როგორც ახლადარჩეულმა პრეზიდენტმა განაცხადა, მისი ხელმძღვანელობით დაიწყებს ფედერაცია შემდეგი ტურნირებისთვის მზადებას. ის ასევე აპირებს იმ სპორტსმენებთან შეხვედრას, რომლებმაც დღევანდელი არჩევნების მიმართ პროტესტი გამოთქვეს. საარჩევნო ყრილობაზე სხვა კანდიდატებმა - დავით ხახუტაშვილმა, დავით ქევხიშვილმა, დავით ხახალეიშვილმა და გიორგი ალექსიძემ კანდიდატურები მოხსნეს.