(რეზონანსი) "ქართული ოცნების" მიერ მხარდაჭერილმა საპრეზიდენტო კანდიდატმა, სალომე ზურაბიშვილმა ნოემბერში 1.6 მილიონ ლარზე მეტი შემოწირულობა მიიღო. ყველაზე მსხვილი შემომწირველი შპს "გაგრა+", რომელმაც ზურაბიშვილს 100 ათასი ლარი შესწირა.

აუდიტის სამსახურის ოფიციალური მონაცემებით, შემომწირველთა სიაში არიან ბიზნეს სექტორის წარმომადგენლები კახა ლოლუა და კახაბერ ლატარია, აგრეთვე ექიმებიც მათ შორის ქეთევან გოცაძემ რომელმაც 50 ათასი ლარი შესწირა.

აღსანიშნავია, რომ რამდენიმე ფიზიკურმა პირმა საპრეზიდენტო კანდიდატს 60 ათასი ლარი ჩაურიცხა, მათ შორისაა ისრაელში, ქალაქ აშკელონში საქართველოს საპატიო კონსული მენი ბენიში.