(რეზონანსი) სამწუხაროა, რომ ერთადერთი მიკროსაფინანსო კომპანია, რომელმაც უარი განაცხადა სესხების გამოსყიდვაზე "ვივუსია",- ამის შესახებ საპარლამენტო უმრავლესობის წევრმა, კახა კუჭავამ ვალების განულებაზე მთავრობის ინიციატივაზე საუბრისას აღნიშნა.

"სამწუხაროა, რომ ერთადერთი მიკროსაფინანსო კომპანია, რომელმაც უარი განაცხადა სესხების გამოსყიდვაზე არის "ვივუსი", თუმცა, თუ გავითვალისწინებთ, ვინა არის მისი მფლობელი, არ გაგვიკვირდება, რატომ იქნა ეს გადაწყვეტილება მიღებული. ალბათ უფრო პოლიტიკური გადაწყვეტილებაა, ეს ჯობია მათ ჰკითხოთ. საუბარი იყო დავალიანებების დაახლოებით 150 000 ადამიანებისთვის დავალიანების გამოსყიდვაზე", - განაცხადა კუჭავამ.