სმიტების ოჯახის მკვლელობაში ბრალდებული მწყემსის, მალხაზ კობაურის საქმე მცხეთის რაიონულმა სასამართლომ განსახილველად ნაფიც მსაჯულებს გადასცა. მხარეები ნაფიც მსაჯულებს 2018 წლის 3 დეკემბერს, გორის რაიონულ სასამართლოში შეარჩევენ. კობაურმა თავად მოითხოვა, რომ მისი საქმე ნაფიც მსაჯულთა სასამართლომ განიხილოს.

როგორც კობაურის ადვოკატმა, ალექსანდრე კობაიძემ "პრაიმტაიმს" განუცხადა, ნაფიცი მსაჯულების სწორად შერჩევაში ადვოკატებს ფსიქოლოგებთან კონსულტაციები დაეხმარება:

"3 დეკემბერი შეგვირჩია მოსამართლემ ნაფიც მსაჯულთა არჩევის დრო. ვაპირებთ, რომ ფსიქოლოგებთან გავიაროთ ადვოკატებმა კონსულტაცია, რომ შევძლოთ, სწორად შევარჩიოთ, ობიექტური ტიპის ნაფიცი მსაჯულები" - განაცხადა კობაიძემ.