„გაბედავა არ ვიცი „ქართული ოცნების" მხადამჭერი როდიდან იყო. ვაჩნაძეს რაც შეეხება, მახსოვს ჩვენს გვერდით ხშირად იყო. თუ რამ შეუცვლა მას ასე ცნობიერება, რომ „რუსთავი 2"-ს მიაკითხა, ჩემთვის ძალიან გაუგებარია," - აცხადებს „რეზონანსთან" საუბრისას უმრავლესობის დეპუტატი ნუკრი ქანთარია.

„ქართული ოცნების" ერთ-ერთმა ყოფილმა მხარდამჭერმა, მელორ ვაჩნაძემ საქართველო დატოვა. მანამდე კი განცხადება გააკეთა. მისი თქმით, იგი იძულებულია ოჯახთან ერთად ქვეყანა დატოვოს და საზღვარგარეთ პოლიტიკური თავშესაფარი მოითხოვოს, - ამის შესახებ მან „რუსთავი 2"-ის ეთერში განაცხადა.

„ვარაუდიც კი არ მინდა, რომ ვიღაცამ მოისყიდა. ის აღნიშნავდა, რომ ფინანსური პრობლემები ჰქონდა. დანარჩენის თქმა გამიჭირდება. „რუსთავი 2"-ს ამ დროს მიაკითხო, რა თქმა უნდა, სამარცხვინოა," - განაცხადა ნუკრი ქანთარიამ.

მმართველ გუნდს კიდევ ერთი ყოფილი მხარდამჭერი, გიორგი გაბედავა უპირისპირდება და ხელისუფლებას ძალადობაში ადანაშაულებს, - ამის შესახებ იგი „კურიერთან" საუბრისას აცხადებს.