„თაკო ჩარკვიანს თავს დაესხნენ. ჯერჯერობით, დეტალები არ ვიცით, ვარკვევთ ყველაფერს. კამერები არის და დაუყოვნებლივ ამ ადამიანების დაკავება უნდა მოხდეს.

„როგორც გვითხრეს, ეს უცნობი პირები ბოლო ერთი დღეა ქუთაისის აეროპორტში ტრიალებდნენ. შელაპარაკება, თავდასხმა, პოლიტიკურ ნიადაგზე განხორციელდა," - აცხადებს გაერთიანებული ოპოზიციის „ძალა ერთობაშიას" შტაბის უფროსი გიორგი ვაშაძე „რეზონანსთან" საუბრისას.

მისი განცხადებით, ამ თემასთან დაკავშირებით 15:00 საათზე საგანგებო ბრიფინგს გამართვენ, სადაც ამ თემის ირგვლივ დეტალურად ისაუბრებენ.

ქუთაისის აეროპორტში გაერთიანებული ოპოზიციის „ძალა ერთობაშიას" წევრს თაკო ჩარკვიანსა და მის მეუღლეს თავს დაესხნენ. მომხდარი დეტალები ჯერჯერობით უცნობია. ამ ინფორმაცია „რუსთავი 2" ავრცელებს.