ლანჩხუთის საკრებულოს ფრაქცია "კონსერვატორების" თავმჯდომარე გოგი მორჩილაძე და საკრებულოს სოციალური კომისიის ხელმძღვანელი ემზარ თედორაძე ქალაქ ლანჩხუთში, "გალფის" ავტოგასამართ სადგურზე ავარიაში მოყვნენ.

დაშავებულები "მედალფას" კლინიკაში გადაიყვანეს. გოგი მორჩილაძე კი ამ წუთებში დამატებითი გამოკვლევებისთვის ქუთაისში რეანომობილით გადაჰყავთ.

როგორც ახლობლებმა "პრაიმტაიმს" განუცხადეს, მათ სიცოცხლეს საფრთხე არ ემუქრება, თუმცა მორჩილაძეს წლების წინ კისრის ტრავმა ჰქონდა მიღებული, მისი ქუთაისში გადაყვანა ამჯობინეს.