(რეზონანსი) სროლა იყო გუშინ ღამით, პეკინის 4 ნომერში მდებარე ლომბარდთან ახლოს. შედეგად დაჭრილია 44 წლის მამაკაცი. ის მრავლობითი ჭრილობებით ევექსის კლინიკაშია მოთავსებული, სადაც მას საფანტის ტყვიები ამოუღეს. დაჭრილის მდგომარეობა სტაბილურია და მას დღესვე სახლში გაწერენ.

შემთხვევის ადგილზე გვიანობამდე მუშაობდა კრიმინალური პოლიცია. გამოძიება სისხლის სამართლის კოდექსის ორი - 124-ე და 236-ე მუხლით მიმდინარეობს, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას და ცეცხლსასროლი იარაღის მართლსაწინააღმდეგოდ შეძენა-ტარებას გულისხმობს.