საპარლამენტო ფრაქცია „ქართული ოცნება“ დღეს სხდომას გამართავს. სხდომა პარტია ცენტრალურ ოფისში 11:00 საათზე იწყება და მას პარტია „ქართული ოცნება – დემოკრატიული საქართველოს“ თავმჯდომარე ბიძინა ივანიშვილიც დაესწრება.

სხდომაზე განსახილველი საკითხები არ კონკრეტდება, თუმცა საუბარია იმაზე, რომ ივანიშვილის საგენგებო შეხვედრა მმართველ გუნდში არსებულ დაპირისპირებას უკავშირდება. ე.წ. ძველებსა და ახლებს შორის დაპირისპირებამ პიკს ახალი წლის წინა დღეებში მიაღწია და ეკა ბესელიას საპარლამენტო თანამდებობა - იურიდიული კომიტეტის თავმჯდომარის პოსტი შეიწირა.

კიდევ ვისი პოსტები შეეწირება მწვავე დაპირისპირებას და გაუშვებს თუ არა ბიძინა ივანიშვილი ბესელიას პარტიიდან, "ნიუპოსტის" ცნობით, რამდენიმე დღეში გახდება ცნობილი.