(რეზონანსი) ქუთაისი-წყალტუბოს გზაზე ავტოსაგზაო შემთხვევის შედეგად გარდაცვლილებიდან ერთ-ერთი ახალგაზრდა, გიორგი ხარატიშვილი, მღვდლის, მამა აბრაამის შვილი იყო. ინფორმაციას "დრონი.ჯი" ავრცელებს.

საშინელი ავარია ქუთაისში გუშინ, გვიან ღამით მოხდა. არსებული ინფორმაციით, ავტომობილი გზის სავალი ნაწილიდან გადავიდა და ცეცხლი გაუჩნდა. შემთხვევის შედეგად სამი ახალგაზრდა მანქანაში დაიწვა.

შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლის მეშვიდე ნაწილით დაიწყო.