(რეზონანსი) „ყაზტრანსგაზ თბილისის" ის თანამშრომლები, რომლებიც დიდ დიღომში, ავთანდილის ქუჩაზე, საცხოვრებელ კორპუსში შემოწმებაზე იმყოფებოდნენ, დაკითხვაზე გადაიყვანეს.

დანგრეული კორპუსის მცხოვრებლები ამბობენ, რომ გაზის სუნი დილიდან იგრძნობოდა. ადგილობრივების თქმით, მათთან „ყაზტრანსგაზის" წარმომადგენლები შუადღით მივიდნენ, თუმცა შემოწმების შემდეგ განუცხადეს, რომ კორპუსში არანაირი პრობლემა არ იყო და ტერიტორია დატოვეს.