დასაქმების აღრიცხვის მეთოდოლოგიის შეცვლა უმუშევრობის მაჩვენებელს დაახლოებით 20-25%-ით გაზრდის. შესაძლოა, მან შრომით ბაზარზე არსებული ვითარება ზუსტად ვერ ასახოს, მაგრამ გამოასწორებს მდგომარეობას და ქვეყანას ექნება ისეთი სტატისტიკა, რომელიც რეალობას შეესაბამება. ყოველ შემთხვევაში, როგორც ექსპერტები აცხადებენ, "თეთრს შავად არავინ მოგვაჩვენებს". ქვეყნის სარეიტინგო მაჩვენებლები გაუარესდება, მაგრამ მეთოდოლოგიის შეცვლით მიღებული შედეგი რეიტინგულ უკუსვლას გადაწონის.