2019 წლის იანვარში დედაქალაქში გაზით მოწამვლისა და აფეთქების შედეგად 11 ადამიანი გარდაიცვალა, 73 კი მოიწამლა. სტატისტიკა საგანგაშოა. უმეტეს შემთხვევაში მოსახლეობა კომპანიის მხრიდან გაფრთხილებული იყო, მილებიც დალუქეს, თუმცა მომხმარებლებმა თვითნებურად აღადგინეს მიწოდება. ამ კუთხით სანქციას კანონი არ ითვალისწინებს. ენერგოომბუდსმენი და საქართველოს ენერგეტიკის მარეგულირებელი კომისიის წევრებიც მიიჩნევენ, რომ უბედური შემთხვევების მატებიდან გამომდინარე, სასწრაფოდ უნდა შემუშავდეს კანონი ურჩი მომხმარებლის დაჯარიმებისთვის.