საქართველოს ექსპრეზიდენტის მიხეილ სააკაშვილის განცხადებით, ემიგრანტების შემდეგი ყრილობა 3 მარტს იტალიაში გაიმართება. ამის შესახებ მან „ფეისბუკის“ სოციალურ გვერდზე გავრცელებულ ვიდეომიმართვაში განაცხადა.

"3 მარტს იტალიაში ვგეგმავთ ძალიან მაგარ შეკრებას. იქ განსაკუთრებულ ზომებს მივიღებთ და ჩვენი ემიგრაციის ვარსკვლავებს ვალაპარაკებთ, მხოლოდ მე აღარ ვილაპარაკებ. ლიეჟშიც ვერ ჩაგვიშალეს ღონისძიება, უბრალოდ ხელი შეგვიშალეს ურთიერთობაში. წარმოუდგენელი რაღაცები ხდებოდა. რა ხალხი მოიყვანეს, რას ჰგავდნენ? მწვადები დაურიგეს მათ, მერე ეს მწვადები კონგრესის ულამაზეს სასახლეში დაყარეს. ქალთა საპირფარეშოში იყო ჩასაფრებული რამდენიმე ჯეელი მოჭიდავე და იქიდან გამოვარდებოდნენ და ესხმოდნენ თავს ჩემს პაროდისტ ქართლოსს და დააგორეს ის კიბიდან.

ივანიშვილი ამბობდა, რომ გააოცებდა ევროპას და მართლაც პაპუასიზმის დონე ისვენებს აქ. ის აბსოლუტური ავადმყოფია და შეუძლებელია ჩვენ ეს კაცი არ დავამარცხოთ. ამას ივანიშვილის გორილების და მოჭიდავეების, ბრტყელთავიანი და ბრტყელყურებიანი სიმახინჯეების, კვიციანების და ინაშვილების, სანაგვედან ამოთხრილი ჭაობის მობინადრეების ნაირსახეობები ვერ შეუშლის ხელს. ჩვენ ვიცით, რას ვაკეთებთ. 3 მარტს გელოდებით იტალიაში და იქ უკვე ნამდვილად მე მოგისმენთ თქვენ და არა პირიქით“, – განაცხადა სააკაშვილმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე