(რეზონანსი) პარლამენტის წევრი ეკა ბესელია იურიდიულ საკითხთა კომიტეტში ბრუნდება. ეკა ბესელია კომიტეტის წევრად დამოუკიდებელი დეპუტატის კვოტით შევა.

იურიდიულ საკითხთა კომიტეტში დამოუკიდებელი დეპუტატის სტატუსით ნატო ჩხეიძე იყო გაწევრიანებული, ბიურომ ცნობად მიიღო ნატო ჩხეიძის იურიდიული კომიტეტიდან გასვლა და კომიტეტში დამოუკიდებელი დეპუტატის კვოტით ეკა ბესელიას შესვლა.

ბესელიამ კომიტეტის წევრობა მას შემდეგ დაკარგა, რაც ფრაქცია „ქართული ოცნება" დატოვა.