(რეზონანსი) საფრანგეთში, ბორდოსთან 10 თებერვალს ავტოსაგზაო შემთხვევის შედეგად გარდაცვლილი 38 წლის ზუგდიდელი თენგიზ გაბედავას ოჯახი ცხედრის გადმოსვენებასთან დაკავშირებით ხელისუფლებისგან დახმარებას ითხოვს.

მათი განცხადებით, მას შემდეგ ზუსტად 40 დღე გავიდა, თუმცა ჭირისუფალმა გარდაცვლილის დატირება დღემდე ვერ შეძლო.

„დღეს ზუსტად 40 დღე შესრულდა მისი გარდაცვალებიდან, ჩვენ კი ჯერ საიმედო საფრანგეთიდან არაფერი შეგვიტყვია. საფრანგეთის მხარე საქართველოში ცხედრის გადმოსვენებაზე ჯერ კიდევ უარს აცხადებს. მიზეზი კი მრავალმოქმედებიანი ბიუროკრატიული სისტემა და პროცედურებია, რაც ფრანგული კანონმდებლობით ხორციელდება. დახმარებას ვითხოვთ. აღნიშნულის შესახებ ყველა ინფორმირებულია, თუმცა არავინ გვეხმარება", - აცხადებენ გარდაცვლილის ნათესავები.