(რეზონანსი) ქართველი პიანისტი ბექა გოჩიაშვილი სტენლი კლარკის ბენდთან ერთად, რუსეთში დაგეგმილ კონცერტებში მონაწილეობას არ მიიღებს.

ამის შესახებ პიანისტი სოციალურ ქსელში წერს - "2019 წლის გაზაფხულის ტურნე. მე დავუკრავ ყველა ქალაქში, მოსკოვისა და სანკტ-პეტერბურგის გამოკლებით".

გოჩიაშვილი „გრემის" მფლობელი მუსიკოსის, სტენლი კლარკის ბენდში უკრავს. ბენდმა ახლახან გამოსცა ალბომი. ახლა კი ტურნე აქვთ დაგეგმილი. კონცერტები მთელ მსოფლიოში გაიმართება, მათ შორის რუსეთშიც, მოსკოვსა და სანკტ-პეტერბურგში, თუმცა ქართველი პიანისტი რუსეთში გამგზავრებას არ აპირებს.