ოკუპირებულ აფხაზეთში მდებარე ახალი ათონის მონასტრის კუთვნილებისა და იქ წირვა-ლოცვის ჩატარების უფლების გამო დიდი დაპირისპირება იწყება. ბესარიონ აპლია, რომელიც ე.წ. ცხუმ-ბიჭვინთის ეპარქიის ხელმძღვანელად მიიჩნევა, დოროთეი დბარისაგან და ახალ ათონში ჩამოყალიბებული აფხაზეთის ე.წ. წმინდა მიტროპოლიის წევრებისგან მოითხოვს, დატოვონ მონასტერი და ემუქრება კიდეც, რომ საკითხის მოგვარებაში "პრეზიდენტ" რაულ ხაჯიმბასაც ჩართავს.