(რეზონანსი) ვაკეში, სამოქალაქო აქტივისტებმა საპროტესტო აქცია გამართეს, მათ სოლიდარობა გამოხატეს იმ ორი დაღუპული მუშის მიმართ, რომლებიც 31 მარტს, მიწის ჩამოშლას ემსხვერპლნენ. ისინი მოითხოვენ, რომ გამკაცრდეს კანონი სამშენებლო საქმიანობასთან მიმართებაში. ისინი ასევე ითხოვენ, რომ აქციაზე მთავრობის წარმომადგენლები მივიდნენ.

მონაწილეებმა გზის გადაკეტვა სცადეს და ჩამოხიეს ის ბანერები, რომელიც მშენებლობის ტერიტორიაზე იყო განთავსებული, რაც ინციდენტში გადაიზარდა, წინასწარი ინფორმაციით დააკავეს 4 ადამიანი.

თბილისის მერი მზად არის აქციის მონაწილე პირებიდან რამდენიმეს შეხვდეს საქმიან ფორმატში, თუმცა ისინი უარს ამბობენ.