შრომითი უფლებების დაცვის მოთხოვნით მიმდინარე აქციის მონაწილეები ​თბილისის მერის, კახა კალაძის სახლთან მივიდნენ.

"ჩამოდი, ჩამოდი", – ამ შეძახილებით მივიდნენ აქციის მონაწილეები თბილისის მერის სახლთან რამიშვილის ქუჩაზე.

აქცია მთავრობის ადმინისტრაციასთან დაიწყო. მონაწილეებმა ჭავჭავაძის გამზირზე გადაინაცვლეს, სადაც გუშინ ორი მუშა დაიღუპა, შემდეგ კი თბილისის მერის სახლისკენ გაემართნენ.

ჭავჭავაძის გამზირზე ვითარება რამდენიმეჯერ დაიძაბა პოლიციისთვის წინააღმდეგობის გაწევისთვის რამდენიმე ადამიანი დააკავეს.