(რეზონანსი) ქობულეთში, ხუცუბნის ცენტრალურ გზაზე, ავტობანის გადასახვევთან ერთმანეთს ორი მსუბუქი ავტომანქანა შეეჯახა, რის შედეგადაც 4 ადამიანი დაშავდა.
სასწრაფო დახმარების ბრიგადამ მოქალაქეები ქობულეთის რეფერალურ ჰოსპიტალში გადაიყვანა.
პირველადი ინფორმაციით, მათ სამედიცინო გამოკვლევები უტარდებათ. ჯერჯერობით უცნობია რა სახის დაზიანებები მიიღეს მოქალაქეებმა.
ადგილზე სამართალდამცავები არიან მობილიზებული.
შინაგან საქმეთა სამინისტროს ინფორმაციით, გამოძიება „სისხლის სამართლის კოდექსის" 276-ე მუხლის პირველი ნაწილით მიმდინარეობს, რაც სატრანსპორტო მოძრაობისას წესების დარღვევას გულისხმობს.
ფოტოები: აჭარის ტელევიზია