(რეზონანსი) ინფორმაციას ციხის თანამშრომლების დაკავების შესახებ სპეციალური პენიტენციური სამსახური ავრცელებს.

უწყების ოფიციალურ განცხადებაში ნათქვამია, რომ მიმდინარე წლის 5 თებერვალს იუსტიციის სამინისტროს გენერალური ინსპექციის თანამშრომლებმა ქსნის N15 დაწესებულების სამართლებრივი რეჟიმის განყოფილების ინსპექტორ-კონტროლიორი მსჯავრდებულისათვის ნარკოტიკული საშუალების გადაცემის ბრალდებით დააკავეს.

დაკავებულს ბრალი სისხლის სამართლის კოდექსის 260-ე მუხლის 1-ლი ნაწილით (ნარკოტიკული საშუალების უკანონო შეძენა, შენახვა) 6 თებერვალს წარედგინა. 7 თებერვალს კი მას სასამართლომ აღკვეთი ღონისძიების სახით წინასწარი პატიმრობა შეუფარდა.