(რეზონანსი) ქართველმა სტრონგმენმა კონსტანტინე ჯანაშიამ მეტსახელად „ქართველი ხარი", უძლიერეს მამაკაცთა შორის ევროპის ჩემპიონატზე, მორიგ წარმატებას მიაღწია. ინგლისის ქალაქ ლიდსში გამართულ ჩემპიონატზე ქართველმა სპორტსმენმა ბრინჯაოს მედალი მოიპოვა.

„ქართველი ხარი" ინგლისში ევროპის ვიცე-ჩემპიონის რანგში ჩავიდა. ქუთაისელმა გოლიათმა შესანიშნავად იასპარეზა და 9 სპორტსმენს შორის მესამე ადგილი დაიკავა.

ჯანაშია პირველი პროფესიონალი ქართველი სტრონგმენია, რომელიც უმაღლეს დონეზე ასპარეზობს. ძალოსანი 13-16 ივნისს, ფლორიდაში (აშშ) გასამართ მსოფლიოს ჩემპიონატზე იასპარეზებს.

"პრაიმტაიმი"