საგარეჯოს მუნიციპალიტეტის სოფელ ყანდაურაში მეუღლის მიერ დაჭრილი 76 წლის ქალის ჯანმრთელობის მდგომარეობა კვლავ მძიმეა. პაციენტი ამ დრომდე კლინიკის რეანიმაციულ განყოფილებაში, მართვით სუნთქვაზე რჩება.

ტრავმატოლოგიურ ჰოსპიტალში ამბობენ, რომ ქალის ჯანმრთელობის მდგომარეობა არ შეცვლილა. ექიმების ცნობით, პაციენტს თავის არეში ჭრილობა ცეცხლსასროლი იარაღით აქვს მიყენებული და მისი მდგომარეობა შეყვანისთანავე მძიმე იყო. მას თავის არეში მრავალი მოტეხილობები აღენიშნება.

სოფელ ყანდაურაში მეუღლის მიერ ცეცხლსასროლი იარაღით დაჭრილი 76 წლის ქალი საგარეჯოს კლინიკიდან თბილისში, ტრავმატოლოგიურ საავადმყოფოში გუშინ გადაიყვანეს.

სოფელ ყანდაურაში 85 წლის მამაკაცმა ცეცხლსასროლი იარაღით შვილი, რძალი და ორი მეზობელი მოკლა, ავადმყოფი მეუღლე კი, დაჭრა. მამაკაცი დაკავებულია.