(რეზონანსი) განათლების მინისტრის მოადგილის განცხადებით იმ შემთხვევაში თუ საპენსიო ასაკს მიღწეული პედაგოგი გადაწყვეტს სკოლა დატოვოს ის სახელმწიფოსგან ერთჯერადად 8200 ლარს მიიღებს.

ნათია ზედგინიძე-ჯიშკარიანმა პარლამენტის პლენარულ სხდომაზე ისიც განმარტა, რომ ღვაწლმოსილ პედაგოგებს პენსიაზე გასვლისა და კუთვნილი 8200-ლარიანი კომპენსაციის მიღების შემდეგაც რჩებათ უფლება, რომ სკოლის საჭიროების მიხედვით ხელშეკრულებით ისევ დასაქმდნენ.

შეგახსენებთ, რომ პრემიერ-მინისტრ მამუკა ბახტაძის ინიციატივით პარლამენტი ახალ საკანონმდებლო ინიციატივას განიხილავს, რომლის მიხედვითაც განათლების სფეროს დაფინანსება ქვეყნის მთლიანი შიდა პროდუქტის 6 პროცენტს უნდა გაუტოლდეს.

(პრაიმტაიმი)