ზუგდიდი-ანაკლიის გზაზე დაშავებული 7 მოზარდიდან ერთი სანდრო ჭურღულიაა, რომელიც მართვით სუნთქვაზე იმყოფება. ოჯახის მოთხოვნით, ის კატასტროფის ბრიგადას თბილისში გადმოჰყავთ.

ინფორმაცია ამის შესახებ პრაიმტაიმს ზუგდიდის რეფერალური საავადმყოფოს მენეჯერმა სულხან ორჟონიამ დაუდასტურა.

მისივე თქმით, დაშავებულ გოგოს ოპერაცია ჩაუტარდა და მისი მდგომარეობა სტაბილურად მძიმეა.

5 მოზარდი რჩება ასევე საავადმყოფოში და მათ უტარდებათ შესაბამისი გამოკვლევები და მკურნალობა.