ივნისის ბოლოს, სულ რაღაც ერთ თვეში, შესაძლოა რუსეთს ევროსაბჭოში ხმის უფლება დაუბრუნონ, რომელიც 5 წლის წინ ყირიმის ანექსიის გამო ჩამოართვეს. ყირიმი დღესაც ანექსირებულია და ამის ფონზე ხმის უფლების აღდგენა ეს ცინიზმია, ეს იქნება რუსეთის ტრიუმფალური დაბრუნება ევროსაბჭოში, რადგან მოსკოვს ავტომატურად მოეხსნება ბოლო წლების მკაცრი რეზოლუციების შესრულების ვალდებულება, ხოლო ევროპისთვის ეს იქნება რუსეთის წინაშე უპრინციპობის გამოვლენა - ასე მიიჩნევენ უკრაინასა და საქართველოში.