საქართველოს საპატრიარქოს პრესცენტრის ხელმძღვანელი, დეკანოზი ანდრია ჯაღმაიძე დავით გარეჯთან დაკავშირებით უახლეს ინფორმაციას ავრცელებს: 

"შეიძლება დადასტურებულად ითქვას, რომ მოლოდინი დავით გარეჯის მიმდებარე ტერიტორიაზე გზის გაყვანის სამუშაოების შეწყვეტასთან დაკავშირებით არ აღმოჩნდა რეალური. დილიდან გრძელდება კლდოვანი საფარის ნგრევა, გაყვანის ნაცვლად, მძიმე ტექნიკა დაამატეს”.

იგი ადასტურებს, რომ გუშინ გაჩნდა მოლოდინი, რომ სამუშაოები შეწყდებოდა, დღევანდელი ინფორმაციით კი, აზერბაიჯანის მხარემ გზის გაყვანის სამუშაოები არ შეწყვიტა.