ზაზა სარალიძეს ადვოკატები ვერ უკავშირდებიან. შესაბამისად, მიხეილ კალანდიას დაკავებასთან დაკავშირებით განცხადებაზე ოჯახთან არ შეთანხმებულან. როგორც ადვოკატმა ნესტან ლონდარიძემ „პრაიმტაიმს“ განუცხადა, სარალიძესთან შეუთანხმებლად ჯერჯერობით ვერ იტყვის, არის თუ არა მიხეილ კალანდია დავით სარალიძის „ნამდვილი მკვლელი“, რომლის დაკავებითაც მოკლული არასრულწლოვნის მამა სამართლიანობისთვის ბრძოლას დაასრულებს. ლონდარიძე ადასტურებს, რომ დაზარალებული ოჯახი კალანდიას დაკავებას ელოდა.

"მოლოდინი გვქონდა, თუმცა, არ ვიცოდით, კალანდიას დღეს თუ დააკავებდნენ" - აღნიშნა ადვოკატმა.

პროკურატურა კალანდიას დანაშაულის დაფარვას ედავება.