"ჩაინა ლილო სითის"  დირექტორი ამბობს, რომ ხელისუფლებასთან და ძალოვან სტრუქტურებთან ბაზრობის ადმინისტრაციას პრობლემები აქვს. ზვიად ქირია ამბობს, რომ პროკურატურისგან, სუს-ისგან და შსს-სგან ბაზრობის მფლობელზე, ლაურა ღაჭავაზე ზეწოლა მიმდინარეობს. ქირია ამ ყველაფერს ღაჭავას შვილებს - ძმებ კოდუებს უკავშირებს და არ გამორიცხავს, რომ ღაჭავაზე ზეწოლით ხელისუფლება სწორედ მის შვილებზე გასვლას ცდილობს. იგი არ გამორიცხავს, რომ ხანძარი სპეციალურადაა მოწყობილი:

"ხანძარი ლოკალიზებულია სავარაუდოდ, მაგრამ არც ისე მნიშვნელოვანი კერებია. სახანძრო დაცვის სამსახურმა გამოიძახა. საუბარია საბითუმო მაღაზიებზე. რამ გამოიწვია ხანძარი ჯერ არ ვიცი, დივერსიასაც არ გამოვრიცხავ" - ამბობს "ჩაინა ლილო სითის" დირექტორი ზვიად ქირია. 

ადგილზე მობილიზებულია 14 სახანძრო ბრიგადა. დაღუპულთა და დაშავებულთა შესახებ ინფორმაცია არ ვრცელდება.